Græni túrinn

Vistorka á Akureyri hefur í nokkur ár boðið hópum upp á skoðunarferðir sem byggir á sjálfbærri nýtingu orkuauðlinda. Í ferðinni er m.a. komið við í Orkey sem framleiðir lífdísel úr notaðri steikingarolíu og dýrafitu, farið í metanstöð Norðurorku sem framleiðir metan úr hauggasi úr gömlum sorphaugum í Glerárdag ásamt því að skoða Glerárvirkjanir sem framleiða rafmagn með vatnsafli úr Glerá sem rennur í gegnum Akureyri. Komið hefur í ljós að töluverður áhugi er meðal tiltekins hóps ferðamanna á að taka þátt í slíkum ferðum. Eimur, Vistorka, Norðurorka, Orkuveita Húsavíkur, Landsvirkjun og aðilar í ferðaþjónustu vinna nú að því að þróa ferðapakka sem byggja á þessum þáttum. Vinnuheiti pakkaferðanna er Græni Túrinn og eru nú þrír slíkir í þróun víða um NA-land. 

Græni túrinn I- Akureyri

  • Orkey lífdísilframleiðsla
  • Glerárvirkjanir I og II- vatnsaflsvirkjanir
  • Metanstöð Norðurorku
  • Gámaþjónusta Norðurlands – flokkunarstöð
  • Kalda vatnið í Hlíðafjalli

Græni Túrinn II- Eyjafjörður

  • Molta jarðgerðarstöð
  • Laugaland/Hjalteyri – heitavatnsholur 
  • Vaðlaheiðargöng- nýting heita og kalda vatnsins sem fannst við gerð ganganna
  • Djúpadalsvirkjun- vatnsaflsvirkjanir
  • Brúnalaug- grænmetisframleiðsla með jarðhita

Græni Túrinn III- Mývatn-Húsavík

  • Bjarnarflag- elsta jarðvarmavirkjun landsins
  • Krafla- jarðvarmavirkjun og eldsumbrot
  • Jarðböðin í Mývatnssveit
  • Laxárvirkjun- vatnsaflsvirkjanir
  • Þeistareykir- jarðvarmavirkjun
  • Gróðurhúsin að Hveravöllum- grænmetisræktun með jarðhita
  • Orkustöðin á Húsavík- rafmagnsframleiðsla með lághita
  • Fiskeldið Haukamýri- nýtir kælivatn úr orkustöðinni til fiskeldis
  • Gullfiskatjörnin
  • Sjóböðin á Húsavíkurhöfða- heilsuböð með heitu vatni undan höfðanum 

Öxarfjörður býður einnig upp á fjölmarga möguleika til þróunar á slíkum pakkaferðum og er stefnt að því að þróa túr um það svæði í framhaldinu.